ماحدش بقى فاضى غير انه يسأل عن الماهية
والباقى راح يسأل نلاقيكى فين ياحرية
...........
حرية ايه والقضية هى هى
و اتارينا لاعملنا ثورة وطلعونا فى الاخر بلطجية
بعد ما كنا بنهتف و نقول سلمية سلمية
ولسه ياما هاتشوفى يا بهية
طول مانتى طمعانة تعيشى و تبقى مدنية
.......
ده حكم العسكر ماسك فيكى ولا كأنك مدرعة حربية
وكل ماتوقفى يجروا بيكى على اقرب قوى سياسيه
ويارتهم كمان عرفوا يمشوكى
ده سابوكى وقعدوا يقولوا اسلامية اسلامية
........
وحكومتك وقفت تتفرج عليكى
ووقفت معاها عساكر الداخلية
والعسكر غالل ايدوه و يقول
اصل انت مالكيش فى الديمقراطية
.......
وضحكوا عالناس بيكى وقال ايه
محتاجة بنية اصلك بقيتى روبابيكيا
اتريهم بيشحتو ا عليكى
مانتى بقيتى فقيرة و متدنية
..........
قولنا خلاص نشوف قانونك
واهو متفصل عليكى مية مية
وطلعوا مفصلينوا عليهم
وعمليين حساب اللحظة ديه
........
وادينا قدامك اتبهدلنا و اتمرمطنا
و اتظاهرنا و اعتصمنا
يمكن نجيب لك حقك و ناخد قرارنا
..........
فاروحنا سألنا حماة الثورة
انتوا مننا ولا من البرابرة
ردوا قالوا عيب عليكوا
داحنا معاكوا لاخر قطرة
بس ادونا فرصة نشوف الماهية
..........
و اتاريهم بيبعونا و فى مصايبهم هيلبسونا
و القضية هتفضل هى هى
و هنفضل نسأل عليكى و نقول
فينك يا حرية بهية
ليست هناك تعليقات:
إرسال تعليق