ناس كتيير بتعارضنا و دايما اول سؤال بيتسأل انتوا هناك ليه كأن خلاص الثورة حققت اهدافها و مبارك اتحاكم و الامن رجع و الداخلية اتهيكلت و العسكر رجع ثكناته و كلوا بقى زى الفل و بقى عندنا دستور جديد و برلمان جديد منتخب و رئيس جمهورية مدنى و بلدنا رجعت بهية بضحكة صافية زى النيل !!! مش عارفة الناس دى بقيت بتفكر ازاى انا مش بقول انهم اغبياء ولا مش بيشوفوا غير تحت رجليهم بس انا بتعجب ازاى الفساد بقى مغطى عيونهم عن الحقيقة مع انى مؤمنة جدا ان الفساد ده ظهر زى ما ربنا سبحانه و تعالى انزل فى كتابه "ظهر الفساد فى البر و البحر بما كسبت ايدى الناس " يعنى من اعمالنا سلط علينا و الناس اللى بتموت فى القصر العينى و الشيخ ريحان اكيد مش فاسدين عشان كدة ربنا بيستردهم عنده و سيبنا لغاية ما نطهر من نفسنا نحارب الفساد و نقضى عليه ان شاء الله .
المهم اننا منتعبش و منتكسرش مهما نشوف و يحصل فينا احنا اقوى منهم عشان احنا معانا ربنا و معانا الحق لكن العسكر كله معاه الظلم وايده كلها مليانة دم مهما يحصل مش هاننساه وهناحسبهم فى الدنيا قبل الاخرة و يورونا بقى طنطاوى هيشفعلهم ازاى عندنا ولا عند ربنا مع انهم لو اعترفوا باللى عاملوه و الدم اللى سيلوه و راجعوا نفسهم ممكن ربنا يسامحهم لكن احنا بشر مش هنقدر نسامح .
مش عارفة اللى احنا فيه ده اخرته ايه بس ان شاء الله ان شاء الله حكم العسكر نهايته قربت
المهم اننا منتعبش و منتكسرش مهما نشوف و يحصل فينا احنا اقوى منهم عشان احنا معانا ربنا و معانا الحق لكن العسكر كله معاه الظلم وايده كلها مليانة دم مهما يحصل مش هاننساه وهناحسبهم فى الدنيا قبل الاخرة و يورونا بقى طنطاوى هيشفعلهم ازاى عندنا ولا عند ربنا مع انهم لو اعترفوا باللى عاملوه و الدم اللى سيلوه و راجعوا نفسهم ممكن ربنا يسامحهم لكن احنا بشر مش هنقدر نسامح .
مش عارفة اللى احنا فيه ده اخرته ايه بس ان شاء الله ان شاء الله حكم العسكر نهايته قربت
